మాయావతి మూర్ఖత్వం

ఎవరో ఏదో బ్లాగులో ఈయన బ్లాగు లింకు తనదిగా ఇచ్చి తన కామెంటు పెట్టారట. రిజర్వేషనులని ప్రస్తావించి, ఈయన కులాన్ని ఎత్తి చూపించారుట. కడుపు మండిందట. కేసు పెడతారట! ఆయన ఎక్కడ ఉన్నా, ఈ దేశానికి రాకపోరా, అరెస్టు చేయించలేనా అన్న ధీమా! So what?

ఈ దేశంలో మహాత్మాగాంధిని అమ్మనాబూతులు తిట్టిన ఓ రాష్ట్ర దళిత ముఖ్యమంత్రి ఈ అయ్యవారికి ఆదర్శం! అవును. మహాత్మాగాంధికే దిక్కు లేదు, అది కూడా కేంద్రంలో కాంగ్రెసు అధికారంలో ఉన్నప్పుడు. బ్లాక్ మెయిలింగ్ రాజకీయాలతో ఎంతమందిని ఎంతకాలం ఇలా వేధించగలమన్న ధీమాతో వీళ్ళు ఉంటారో?

ఆశ్చర్యమైతే లేదు కానీ, ఏవగింపు మాత్రం కలుగుతుంది. అందులోనూ, ఇంత చదువుకున్నవాళ్ళని ఇలా చూసినప్పుడు, ఇంతవరకూ వారిపై ఉన్న వీసమెత్తు గౌరవాన్ని కూడా వాళ్ళు పోగొట్టుకుంటున్నప్పుడు, నిజంగానే ఛీదర పుడుతుంది.

సరే ఈ పిడకల వేట పక్కన పెట్టి, మాయావతి మాటతూలుడు గమనిద్దాం. హరిజన గిరిజనులతో కలిసిన తర్వాత మహాత్మా గాంధి ఇంటికి వెళ్ళి చేతులు కడుక్కునేవాడట! మహాత్మాగాంధీ అంటే, ఎవరో ములాయంసింగునో, అద్వానినో, సోనియానో భావించి ఈ మాయావతి తమ నోటి తీట బానే వదిలించుకుంది. కానీ, గాంధీని మహాత్ముడని ఎందుకు అన్నారు? అంబేద్కరును ఎందుకు అనలేదు అని ఒక్కసారైనా ఆవిడ ఆలోచించి ఉంటే, ఇలా నోరు పారేసుకునేది కాదు.

ఆ రోజుల్లోనే, అగ్రకులంలో పుట్టినా, కుల మత కట్టుబాట్లను పక్కకు పెట్టి, హరిజన గిరిజనులకు గుళ్ళల్లో ప్రవేశానికి పాటుపడ్డాడు గాంధి. ఈరోజుల్లో ఇదేమంత గొప్ప విషయంగా అనిపించకపోవచ్చు. కానీ, ఆ రోజుల్లో ఇది నిజమైన సాహసమే. ఎందుకంటే, కుల బహిష్కార శిక్ష కూడా విధింపబడే అవకాశమున్న సాహసం అది.

రౌండు టేబుల్ సమావేశాలకు వెళ్ళినప్పుడు కూడా, బ్రిటీషు సామ్రాజ్యవాద దురహంకారానికి బలౌతున్న సామాన్య భారతీయుడుని ప్రతిబింబిస్తూ కొల్లాయి మాత్రమే కట్టుకున్నాడు. అలానే, స్వాతంత్ర్యపోరాటంలో ఎన్నిసార్లు జైలుకు వెళ్ళాడో, చరిత్రను తిరగేస్తే తెలుస్తుంది. అదీ గాంధీ గొప్పదనం. అందుకే మహాత్ముడయ్యాడు.

మరి అంబేద్కర్ చేసిందేమిటి? హిందూ మతంలో కుల దురహంకారానికి బలౌతున్నానంటూ బౌద్ధ మతం స్వీకరించాడు. గాంధీలా అదే మతంలో ఉంటూ, మతభావాలను మార్చాలనే ప్రయత్నం చేయలేదు. కాబట్టి, ఓ పలాయనవాదిగానే ఆయన ప్రతిబింబిస్తాడు.

సరే, స్వాతంత్ర్యపోరాటంలో ఒక్కసారైనా జైలుకు వెళ్ళిన చరిత్ర అంబేద్కర్ కు ఉందా? నిజానికి, విభజించి పాలించు అనే బ్రిటీషు సిద్ధాంతానికి అంబేద్కర్ చేయూతనందించి, అదే అభిప్రాయాన్ని రౌండ్ టేబుల్ సమావేశాల్లో ప్రకటించాడు కానీ, దేశ స్వాతంత్ర్యం గురించి ఏనాడూ పోరాడలేదు.

దాదాపు మూడు వందల మంది దాకా సభ్యులున్న రాజ్యాంగసభలో ఒకే ఒక్క 'డ్రాఫ్టింగ్ కమిటీ'కి ఆయన ఛైర్మన్ గా వ్యవహరించాడు. అది కూడా, రాజ్యాంగసభ దాదాపు యాభై శాతం తన పని ముగించిన తర్వాత.

రిజర్వేషనుల పరంగా ఈరోజు చాలామంది అంబేద్కర్ తమనేదో ఉద్ధరించాడని నెత్తిన పెట్టుకుంటారు. మరికొంతమంది ఆయనపై అనవసరంగా నోరు కూడా పారేసుకుంటారు. నిజానికి, ఈ రిజర్వేషనుల ప్రతిపాదన చేసింది అంబేద్కర్ కాదు. వల్లభ్ భాయ్ పటేల్, బాబు రాజేంద్ర ప్రసాద్ వంటి ఇతర నేతలు. హరిజన, గిరిజనుల, తదితర వెనుకబడిన వర్గాల ప్రజల కోసం రాజ్యాంగ సభలో ఏర్పాటు చేయబడిన కమిటీలకు వారు చైర్మన్లుగా వ్యవహరించి రిజర్వేషనుల ప్రతిపాదన చేసారు.

ఏదేమైనా, పై విషయాలు తెలుసుకున్న తర్వాత గాంధీ ఎంతటి మహాత్ముడనేది అర్ధమైనా కాకపోయినా, మాయావతి ఎంత మూర్ఖురాలో అర్ధమౌతుంది। పుట్టినరోజు పండగల జరుపుకుంటూ 50-60 కిలోల కేకు కోసి పంచుకునే మాయావతికి మహాత్ముని విలువలు తెలుస్తాయనుకోవటం మన తప్పు.

PS : అయ్యా నాకు 'కత్తిలాంటి' అనేది ఊతపదం. అయినా, ప్రస్తుత పరిస్థితుల్లో 'కత్తి' అన్న పదం వాడాలంటే భయంవేసి, అది ఈ టపా శీర్షిక నుంచి తీసేలోపే 'జల్లెడ'లో వచ్చింది. అందుకు 'కత్తి'వారు నన్ను క్షమించగలరు.